من الأخر..... مفيش غير منتديات من الآخر
هذه ارساله تفيد بأنك غير مسجل لدينا اذا كنت ترغب في التسجيل يرجي الضغط بالأسفل واذا كنت تريد تسجيل الدخول بالأسفل

من الأخر..... مفيش غير منتديات من الآخر

منتديات من الاخر . افلام . اغاني . العاب . افتكاسات . وحب وعيش حياتك . احدث البرامج . من الاخر كل ما هو جديد ومتألق في عالم المنتديات
 
البوابةالرئيسيةبحـثس .و .جالتسجيلدخول

شاطر | 
 

 نصائح مطبخيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مياده
مشرف
مشرف
avatar

انثى
عدد الرسائل : 358
العمر : 24
العمل/الترفيه : استفاد معلومات
المزاج : فرحانه
عرفتنا ازاى : من مدير المنتدى نفسه
احترامك لقوانين المنتدي :
الحلو من محافظة ايه ؟ : اسيوط
نقاط : 0
تاريخ التسجيل : 01/08/2008

مُساهمةموضوع: نصائح مطبخيه   9/12/2008, 12:52 pm


خلال الأسبوع اللي فات استقبلنا
العديد من المشاركات من بنات كتير طلبوا منا نكتر شوية في النصائح
المطبخية اللي بنقدمها لأنها فعلا بتساعدهم على حل مشاكلهم في المطبخ....

كمان استبقلنا العديد من الأسئلة
والاستفسارات من بنات كتير قابلتهم العديد من المشاكل وهما في المطبخ
وطلبوا مننا نساعدهم في حل المشاكل دي..


علشان كده قررت النهارده أجمع كل الأسئلة اللي جات وأقدم لكم الحل المفيد ليها...

علشان الكل يستفيد
مش كده ولا إيه؟؟؟


تعالوا نشوف الأسئلة كانت إيه؟!
وإيه هو الحل المفيد ؟!


السؤال الأول


ليه البفتيك بيطلع ناشف؟!


ساعات كتير لما آجي أحمر أو أشوي شرائح البفتيك
تتطلع ناشفة معايا بالرغم من إني لما باكلها بره بتكون طرية فياريت أعرف
حل للمشكلة دي؟!
شوفي يا قمر لو عايزة البفتيك يطلع طري معاكي زي اللي بتاكيله بره
يبقى ياريت تضيفي معلقتين خل إلى تتبيلة البفتيك وتخلطيها بالفتيك لمدة 5
ساعات.. بعد كده تشويه أو تقليه وهتلاقيه بقى طري وطعمه في منتهى الجمال..


السؤال الثاني
ليه الثوم مش بيتقشر بسهولة؟!


ياريت حد يرد عليّ أنا كل ما آجي أقشر ثوم
ضوافري تتكسر لأن قشر الثوم اللي عندي ناشف وبيتقشر بصعوبة لدرجة إني كرهت
أي أكل فيه ثوم علشان مشكلة التقشير دي يا ترى فيه حل؟!

الحل بسيط جدا كل اللي عليكي أنك تنقعي الثوم اللي إنت عايزة تقشيريه في
الميه البادرة لمدة عشر دقائق وبعد كده تطلعيه وهتلاقيه بيتقشر بمنتهى
البساطة

لسؤال الثالث
ليه الأكل بياخد سواء كتير على النار؟!





مش عارفة ليه كل ما آجي أعمل أكل ألاقي الأكل بياخد وقت طويل معايا مش عارفة ليه لدرجة إني زهقت من موضوع إني أدخل المطبخ ده؟!
شوفي يا قمر علشان الأكل ما ياخدش وقت طويل منك على البوتوجاز يبقى يا
ريت ماتحطيش الملح والأكل لسه ما استواش...واستني لما الأكل يقرب يستوي
وبعد كده ضيفي إليه الملح والفلفل اللي أنت عايزاه وعلى فكرة الحركة دي
هتختصر وقت الأكل معاكي وهتحافظ على القيمة الغذائية للأكل...

كمان ياريت ما تفضليش تفتحي الغطاء اللي على الأكل كل شوية لأن الحركة دي
هي كمان بتخلي الأكل ياخد وقت طويل على النار وكمان ممكن تتسبب في فقدان
الخضروات للقيمة الغذائية اللي فيها..

واوعي تسمعي كلام حد يقولك أنك تضيفي "بيكربونات الصودا" على الطعام علشان
يستوي بسرعة لأن الموضوع ده بيؤدي إلى فقدان الخضروات للكثير من
الفيتامينات اللي موجودة فيها.السؤال الرابع

ورق العنب طلع خشن اوي؟!




أنا اشتريت ورق عنب بس الورقة بتاعته طلعت خشنة اوي مش عارفة أعمل إيه أرميه وأشتري غيره؟!
علشان تتخلصي من المشكلة دي يا ريت تضيفي إلى مية سلق ورق العنب معلقة
كبيرة ملح ومعلقتين زيت ذرة أو عباد الشمس، واوعي تنسي وأنت بتسويه تعصري
عليه عصير ليمونة وهتشوفي الفرق بنفسك
السؤال السادس
الجمبري ليه ريحة مش بحبها؟!





نا بحب الجمبري جدا بس المشكلة إني وأنا باسلقه أو أقليه بشم ريحة مش حلوة مش عارفة ليه؟
الحل
بسيط جدا كل اللي عليك تغسلي الجمبري كويس اوي وتعصري عليه عصير ليمون
كتير وبعد كده تغسليه كويس وتتبليه بتتبيلة "الثوم بالملح والكمون والفلفل
الأخضر" وتضيفي إليه أوراق الكرفس الأخضر المقطع قطعا صغيرة...وهتشوفي
الفرق بنفسك..


السؤال السابع
ازاي أعرف إن الزيت سخن؟
نتم قلتوا المرة اللي فاتت إن الزيت لازم يتقدح
على النار كويس علشان أقدر أحمر فيه الفراخ أو البطاطس طيب ازاي أعرف إن
الزيت اتقدح لأني مرة سبته على النار لغاية ما اتحرق؟!
كل اللي
عليكي تحطي الزيت على النار وبعد مرور خمس دقائق تضيفي إليه قطعة صغيرة
بطاطس ولو احمرت في الزيت يبقى كده الزيت اتقدح كويس وتقدري تحطي الفراخ
أو اللحمة اللي أنت عايزاها.


نتم قلتوا المرة اللي فاتت إن الزيت لازم يتقدح
على النار كويس علشان أقدر أحمر فيه الفراخ أو البطاطس طيب ازاي أعرف إن
الزيت اتقدح لأني مرة سبته على النار لغاية ما اتحرق؟!
كل اللي
عليكي تحطي الزيت على النار وبعد مرور خمس دقائق تضيفي إليه قطعة صغيرة
بطاطس ولو احمرت في الزيت يبقى كده الزيت اتقدح كويس وتقدري تحطي الفراخ
أو اللحمة اللي أنت عايزاها.

لسؤال التاسع
الببيض بيفرقع وهو بيتسلق؟!

مش عارفة ليه كل ما آجي أسلق البيض يفرقع مني وهو في المية على البوتوجاز؟!
أكيد
جبتي البيض من التلاجة وحطيتيه في الميه السخنة علشان كده فرقع وعلشان
تتخلصي من المشكلة دي يبقى يا ريت تطلعي البيض الأول من التلاجة وتسيبيه
شوية لمدة نص ساعة وبعد كده تحطيه في حلة فيها ميه من الحنفية وتضيفي إليه
معلقة ملح وبعد كده تحطيه على النار.

بكده تكون خلصت نصيحة الأسبوع المرة دي

وانتظرونا الأسبوع القادم في نصيحة جديدة هنتكلم فيها عن موضوع بيهم بنات كتير اوي...

ومن هنا للأسبوع اللي جاي اوعوا تنسوا تبعتوا آراءكم وتعليقاتكم الجامدة قووووي..

وكمان لو عندكم أي استفسار ابعتوا وقولوا لنا عليه
واحنا هنرد عليكم على طووول

سلام:study:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصطفى امين
مشرف عام
مشرف عام
avatar

ذكر
عدد الرسائل : 2600
العمر : 24
عرفتنا ازاى : من مدير المنتدى نفسه
نقاط : 2123
تاريخ التسجيل : 02/10/2008

مُساهمةموضوع: رد: نصائح مطبخيه   7/6/2009, 7:36 pm

هى دى المواضيع هوده الكلام دايما مواضيعك جميله تسلم يامان ننتظر ابرعاتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح مطبخيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
من الأخر..... مفيش غير منتديات من الآخر :: من الاخر هو وهي :: من الاخر مأكولات-
انتقل الى: