من الأخر..... مفيش غير منتديات من الآخر
هذه ارساله تفيد بأنك غير مسجل لدينا اذا كنت ترغب في التسجيل يرجي الضغط بالأسفل واذا كنت تريد تسجيل الدخول بالأسفل
من الأخر..... مفيش غير منتديات من الآخر
هذه ارساله تفيد بأنك غير مسجل لدينا اذا كنت ترغب في التسجيل يرجي الضغط بالأسفل واذا كنت تريد تسجيل الدخول بالأسفل
من الأخر..... مفيش غير منتديات من الآخر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

من الأخر..... مفيش غير منتديات من الآخر

منتديات من الاخر . افلام . اغاني . العاب . افتكاسات . وحب وعيش حياتك . احدث البرامج . من الاخر كل ما هو جديد ومتألق في عالم المنتديات
 
البوابةالرئيسيةأحدث الصورالتسجيلدخول

 

 سؤال حسام حسن ايهما اسرع القطار ام الطائره فرد قائلاً ..... السفينه

اذهب الى الأسفل 
كاتب الموضوعرسالة
SASA
مدير منتديات من الاخر
مدير منتديات من الاخر
SASA


ذكر
عدد الرسائل : 1995
العمر : 31
الموقع : SASA
العمل/الترفيه : العمل علي المنتدي
المزاج : مفيش احسن من كده
عرفتنا ازاى : من مدير المنتدى نفسه
احترامك لقوانين المنتدي : سؤال حسام حسن ايهما اسرع القطار ام الطائره فرد قائلاً ..... السفينه Images11
الحلو من محافظة ايه ؟ : الفيوم
نقاط : 1666
تاريخ التسجيل : 10/07/2008

سؤال حسام حسن ايهما اسرع القطار ام الطائره فرد قائلاً ..... السفينه Empty
مُساهمةموضوع: سؤال حسام حسن ايهما اسرع القطار ام الطائره فرد قائلاً ..... السفينه   سؤال حسام حسن ايهما اسرع القطار ام الطائره فرد قائلاً ..... السفينه Empty9/24/2010, 9:18 pm

مباراة الزمالك والجونة تعبر عن هذا العنوان ( القطار أسرع أم الطائرة فأجاب حسام حسن : السفينة )عندما تكون مدير فني لفريق من فرق القمة ، وبعد المباراة تقول تصريحات كأنك لم تشاهد اللقاء تماما ، وتخلط الحق بالباطل ، وتدعي الكذب لكي لا تواجه نفسك بسلبياتك أو بحقيقتك وحقيقة فريقك خوفا من تحمل المسئولية ، فأنت تسير على درب الفاشلين.

أولا : قبل مبارة الجونة ، ومشاكل بعض اللاعبين مثل : عبد الواحد السيد ، حسين ياسر في تعديل العقد ، مشكلة شيكا مع اندرلخت ، حازم امام وتصريحاته هذه المشاكل جعلت هناك علاقة توتر بين الجهاز الفني والادارة واللاعبين والجماهير كان لها أثر سلبي ، فكلما انتهت مشكلة بدأت الأخرى وهكذا ، وهذه المشاكل الكثيرة جدا هي السبب وراء تراجع نادي الزمالك إلى هذه الحالة (طول مافي مشاكل يبقى مفيش تقدم ولا تطوير ).

ثانيا : سنتكلم عن المباراة وتحليلها الفني بعد أن طرحت الظروف النفسية المحيطة قبل اللقاء .1- وقبل أي شىء الطريقة التي يلعب بها كابتن حسام حسن لا تلائم طبيعة اللاعبين الموجودين في نادي الزمالك (4-2-3-1 ) لأنها تحتاج إلى عدة عناصر لابد منها : ( 2 مساكين يمتلكان عنصر السرعة والقوة ) ، ( 2 ديفندر على مستوى عال جدا ، وبيتميزوا بالسرعة والتغطية العكسية ، لاعبين خط وسط الهجومي يا أما بيكملوا كويس وبيلعبوا بالهد كويس عشان يقابلوا الكرة العرضية ( في 3 وسط هجومي منهم 2 بيلعبوا أجنحة مهمتهم الأساسية مساعدة الباك ، ولعب الكرات العرضيات للمهاجمين ولاعبي الوسط الهجومي ).يا أما لاعبي الأجنحة بيستلموا من على الأطراف ( مفيش رقابة عليهم ) ويحاولو يخترقوا من العمق ، والتصويب على المرمى ، وهنا المهاجم الصريح بياخد المساكين معاه وبيفتح لهم مساحة عشان ييجو من ورا ( بركات دايما في الأهلي بيروح على الأجانب عشان يستلم وبعدين يدخل في العمق أو يلعب العرضية .المدير الفني الوحيد اللي بيلعب بالطريقة دي في كأس العالم ونجح بيها هو يواكيم لوف ( المدير الفني لمنتخب ألمانيا )،وفشلت لما لاعب منتخب كبير زي أسبانيا قدر يضيق المساحات ، ويقفل الأطراف ، ويستغل عيوب طريقة 4-2-3-1 وهي إن الطريقة دي كويسة أوي للأطراف ، لكن عمق الملعب بيبقى فيه ثغرات ، استغلها منتخب أسبانيا و منتخب ألمانيا يومها كان عامل زي الملاكم اللي عمال ياخد لكمة في لكمة لحد ما جت الضربة القاضية وخسرت المانيا ، بالرغم إن ألمانيا كسبت الأرجنتين وانجلترا 4 -0 ، 4-1 ، عشان الفرقتين فتحوا خطوطهم ، وسابوا مساحات للأطراف ، لكن أسبانيا كانت أنصح وقفلت كل المساحات ، وحتى المرتدات الألمان ملقوش مساحات ، وكل باص للألمان في الماتش ده كان بيتقطع من نص الملعب.

أي ماتش حسام حسن بيلعبه ، ويكون في الفريق المنافس لاعب بيستلم من الأطراف ويخترق من عمق الملعب الزمالك بيخسر ، زي بركات في ماتش 3-1 ، وماتش انبي 3-1 وليد سليمان كده ، الماتشين كربون .

2 - نتكلم عن ماتش الجونة بس كان لازم نسرد مقدمة مهمة عشان نحلل ليه الزمالك بالمنظر ده ( ماتش فوق ، وماتش تحت ) :الجونة فريق جيد جدا ، وعنده لعيبة سوبر حتى لو حد اختلف معايا في كلمة سوبر ( لأن جمال حمزة لاعب سوبر ) .الزمالك لعب الشوط الأول بتشكيل غريب :ايوا : باك يمين ( أول كرة تعامل معاه طلعها برة كورنر وكان ممكن تعمل مشكلة للحضري ، تاني كورة شتتها أويت ومحدش ضاغط عليه ، تالت كورة اتقطعت منه وبقيت مرتدة ، طول الماتش بيلعب في ماتش تاني ( بيلعب مع نفسه شغل فردي ) ، فلم يفعل شىء للدفاع ولا للهجوم وكان عالة على الفريق .

محمد ابراهيم ، حسام عرفات اتنين لعيبة كويسين أوي ، الاتنين بيخترقوا من العمق كويس أوي أوي ، لكن مش بتوع أطراف ، و حتى فرحات اللي ممكن يستلم أطراف ويخش للعمق عشان بيشوط كويس جدا ، حسام خلاه رأس حربة متأخر فتوظيفه كان غلط ، وكان المفروض يبدأ بواحد فيهم يا ابراهيم يا عرفات ، لكن زود عدد نص الملعب ، وساب عمرو زكي لواحده بين 3 مدافعين .


شيكابالا :
كان أسوأ لاعبي خط النص ، بيلعب بتراخي واستهتار ، وبيجري بالكورة كتير بدون فايدة طول الشوط الأول، وكان المفروض يتغير في أول تغيير .حسن مصطفى : بعيد جدا عن مستواه وراجع من اصابة ، و ابراهيم صلاح أجهز ولياقته أعلى ( لا تعليق ).


تغييرات حسام حسن:


نزل كونيه عشان الالتحامات وكده، وعشان يجيب جول عشوائي ، عن طريق الالتحامات أو يتسبب في هدف ، وفعلا ده كان هيتحقق في آخر 3 كرات طويلة لعبها الدفاع. تغيير حسين ياسر : كان تغيير رائع وفعلا حسين لو بيشوط كويس ، كان ممكن يجيب أكتر من جول بس بيخترق كويس ، ومبيعرفش يشوط فطبعا ضيع مجهوده في كذا كورة دخل ال 18 وفتح زواية للتصويب وشاطها ضعيفة جدا.

تغيير شيكابالا : يعني يا كابتن حسام أنت بتناقض نفسك ، يعني طلعت عرفات ومحمد ابراهيم اللي كانوا أحسن من شيكا في الشوط الأول ، وبعدين طلعت شيكا طاب كنت سيب عرفات بقى لأنه كان فايق ، طبعا وجيه عبد العظيم اللي نزل مكان شيكا ملعبش أي ماتش قبل كده ، فمقدرش أحاسبه حتى لو ضيع جول ميضعش ، وجيه لعيب كويس جدا بس لازم ياخد ماتشات.

ملحوظة شخصية : مع احترامي لكابتن عمرو زكي اللي طول الماتش بيقع ومش مركز ، وبصراحة حاسس إن عمرو مش في فورمة كويسة عشان كده بيعمل فاولات عليه ويشد ، وبعدين مستواه مش كويس ومش بيتغير ، وجعفر كان بيبقى سيىء وبيضيع أجوال كتير بس كان بيجيب أجوال ، وكان بيهد المدافعين ، وكان بيفتح لخط النص ، وكان متعاون. يعني اقصد لو عمرو بالمستوى ده هيبقى الأساسي يبقى الزمالك هيعاني ، ولازم كابتن حسام يجهز البدلاء وخاصة المهاجمين.

الزمالك كان بيلعب بدون هدف ، بمعنى إنه كان شكله حلو في الملعب وانتشاره أفضل ، لكن كان بيضيع فرص كتيرة بسهولة واستهتار وخاصة من شيكا وعمرو زكي ، ولما بدأ الوقت يفوت بدأ يفكر في المكسب بس الوقت كان فات. الجونة لعب ماتش كويس وخاصة جمال حمزة اللي كان نجم اللقاء ، وأول كرة ليها باص انفراد ولو شريف لمها صح كانت جول ، تاني كورة رفعها من ناحية الشمال عملت خطورة ، تالت كورة بلنتي ، وشاطها جابها جول ، وجمال في الشوط التاني كان ممكن بردو بس جمال حمزة تخاذل، وتعاطف مع الزمالك.

لاعبوا الجونة مش ذنبهم إن هما بيلعبوا فريق بيضيع أجوال كتيرة ، إنهم يستغلوا الفرص ويفوزوا، وده شىء طبيعي ، ولولا الخطأ الغريب بتاع الضربة الركنية كان الجونة ممكن يخرج فائز ، والزمالك مهزوم ،لكن بصراحة هي دي الحسنة الوحيدة لعمرو زكي طوال المباراة ( هدف اللقاء)

ثالثا : أرجو من الكابتن حسام حسن إنه ياخد باله من تصريحاته شوية ، هو وكابتن ابراهيم. يعني جمال حمزة بيمثل ، الكورة أحلى بلنتي ، وإذا دي مش بلنتي أمال ايه اللي يبقى بلنتي ، ده بلنتي صحيح 100%. وبعدين مش ذنب الجونة إن الزمالك بيضيع أهداف ، حتى لو الزمالك خرج مهزوم. لكن عيبك أنت والبدري إن أنتوا بتسيبوا الأسباب الحقيقية وبتعلقوا الشماعة على الحكام ، و الفرق المنافسة ، وتقريبا ما بتبقوش حاسين بالعشوائية في أداء فرقكم خالص ، اللي كل الناس شايفاه.

فلابد من وقفة مع النفس وتصيحح الخطاء والمسار
الرجوع الى أعلى الصفحة اذهب الى الأسفل
 
سؤال حسام حسن ايهما اسرع القطار ام الطائره فرد قائلاً ..... السفينه
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
من الأخر..... مفيش غير منتديات من الآخر :: من الاخر رياضه :: من الاخر زملكاوي-
انتقل الى: